Stjórn Samtaka Ferðaþjónustunar hélt hádegisverðarfund í gær 8. maí um hvort gjaldtaka á Keflavíkurflugvelli sé hamlandi fyrir íslenska ferðaþjónustu. Fundurinn var haldinn á Hótel Sögu að viðstöddum fjölda gesta. Fundarstjóri var Keflvíkurinn Garðar Vilhjálmsson en framsögumenn voru Strula Böðvarsson, samgönguráðherra sem ræddi um opinber gjöld á Keflavíkurflugvelli og samburð við aðra flugvelli og Höskuldur Ásgeirsson framkvæmdarstjóri Flugstöðvar Leifs Eiríkssonar sem ræddi um gjöld í Leifstöð og samkeppnisstöðu fyrirtækja. Voru þeir báðir sammála um að auka þyrfti fjölda farþega um flugstöðina til að tryggja rekstur hennar og til að tryggja áframhaldandi uppbyggingu í ferðamálum á Íslandi.
Þá hafi Steinþór Jónsson, hótelstjóri á Hótel Keflavík og umboðsmaður Canada West tölu um hve mikilvægt væri að taka vel á móti nýjum aðilum í flugrekstri og vísaði í sína reynslu varðandi Canada 3000 og taldi áríðandi að yfirvöld og forsvarsmenn ferðaþjónustunar lærðu af þeirri reynslu. Sagði Steinþór að nýtt flugfélag Canada West væri í burðarliðnum og nú reyndi á að jákvæður vilji frummælanda kæmi skýrt fram auk þess sem nauðsynlegt væri að endurvekja Markaðsráð Keflavíkurflugvallar.
Eftir nokkrar umræður og spurningar kvað Björn Knútsson, flugvallarstjóri sér hljóðs og benti fundarmönnum á að öll ákvæði gjaldskrár væru ekki nýtt gagnvart íslenskum flugrekstaraðilum og nefndi hann þar sérstaklega stæðisgjöld.
Niðurstaða fundarins var einróma um að auka þyrfti markaðsstarf og nýta alla möguleika til að ná þeim markmiðum. Án efa munu okkar menn taka vel á því máli.