Jólin 2004
[Annað] - 25.12.2004 -
Eftir mikla vinnu og álag komu jólin loksins. Veðrið er búið að vera fallegt en kalt. Við fjölskyldan náðum að gera flesta hluti tímalega í ár þannig að á þorláksmessu var rólegt hjá okkur sem var mjög gott en kvöldið áður höfum við m.a. farið í jólahlaðborð á Lækjarbrekku. Um morgunin fengum við snittur frá Axel og buðum okkar fólki heim að smakka. Síðan fórum við í Reykjavík um miðjan dag og fengum hangikjöt hjá Systu og Sigga á Laugarveginum. Umferðin fyrir utan gluggann var ekki eins mikil og venja er. Aftur á móti var Hafnargatan í Keflavík troðfull af fólki og áttum við skemmtilegan tíma frá klukkan átta til ellefu. Við kíktum í verslanir og fengum okkur kakó á Ránni en á leiðinni hittum við fjöldann allan af vinum og kunningjum en Skyrgámur stóð þó upp úr og gladdi yngsta setið ómetnalega mikið.
Jólamyndin í ár. Nýji hundurinn hans Viggó (jólapakkinn) að bíta í jólakúlu undir tréinu.
Gleðileg jól frá okkur öllum á Bragavöllum 7!!!!!!
Til baka
|