Afmælisdagurinn
[Annað] - 22.10.2004 -
Orðinn 41 árs. Já, tíminn líður alltof hratt. Var með flensu og var heima frá vinnu aldrei þessu vant. Lá því upp í rúmi fram eftir degi en fór nú á stjá eftir hádegið. Um kaffileytið kíkti fjölskyldan í smá kaffi og heilsaði upp á sjúklinginn. Fékk nokkra gjafir og kort eins og vera ber. Um kvöldið fórum við Hildur út að borða og í ellefu bíó. Sá tími er ekki hentugur gömlu fólki - það á til að dotta yfir myndinni - eins og við!!
Fékk mjög fallegt kort frá Lilju Karen elstu dótturinni - vildi greinilega hressa slappann pabbann við.
Dugnaðarforkur.
Fullkomnari föður vandfundinn er og finnst mér hann bestur í heimi hér. Stolt af því að vera dóttir Steina og skal ég því eigi leyna.
Duglegur drengur hjá dömum happafengur. Alltaf vill hann eitthvað frá sér gefa Byggja upp vináttu eða sorgir sefa.
Húmorinn hann skortir ei og sjaldan hann við mig segir nei. Þakklát fyrir allt sem hann hefur gert fyrir mig þó mætti hann slaka á og hugsa smá um sig.
Heiðra skal þennan hugdjarfa mann sem virkja góða hugmynd vel kann. Fjölskyldna þó númer eitt, tvö og þrjú þannig að komum öll saman og gleðjumst nú! Lilja Karen Steinþórsdóttir.
Takk fyrir þetta - pabbi.
Til baka
|